ᐃᑲᔪᖅᓱᐃᓂᖅ ᐃᓄᖕᓂᒃ ᓄᑕᖃᓂᒃ
ᐃᓄᐃᑦ ᓄᑕᖅᑲᑦ ᓯᕗᓪᓕᐅᔪᑦ ᐱᓕᕆᐊᖑᕙᓪᓕᐊᓂᖏᑦ ᐅᔾᔨᖅᑐᕈᑕᐅᕗᑦ ᐃᓄᐃᑦ ᓄᑕᕋᖏᑦ ᐱᔪᓐᓇᖃᑦᑕᕆᐊᖃᕐᓂᖅ ᒐᕙᒪᒃᑯᓐᓄᑦ ᐊᑐᐃᓐᓇᐅᑎᑕᐅᕙᒃᑐᓂᒃ ᐃᑲᔫᑎᒃᓴᓂᒃ ᐋᓐᓂᐊᖅᑐᓕᕆᓂᕐᒧᑦ, ᐃᓄᓕᕆᔭᐅᓂᕐᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒧᑦ ᓴᕿᑎᑕᐅᓯᒪᔪᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔫᑎᒃᓴᓂᒃ ᐱᖃᑦᑕᕆᐊᖃᖅᑕᖏᓐᓂᒃ, ᐱᔭᕆᐊᖃᓕᕌᖓᒥᒋᑦ ᐱᔪᓐᓇᖃᑦᑕᕐᓗᓂᒋᑦ.
ᐃᓄᐃᑦ ᓄᑕᕋᖏᓐᓄᑦ ᐃᖏᕐᕋᓯᑎᑕᐅᓯᒪᔪᖅ ᐊᑭᖃᓐᖏᑦᑐᖅ ᐊᑐᖅᑕᐅᓗᓂ
ᐊᑭᖃᓐᖏᑦᑐᖅ ᐃᓄᐃᑦ ᓄᑕᕋᖏᑦ ᐊᑐᕈᓐᓇᕐᓗᑎᒃ ᑖᔅᓱᒥᖓ ᐃᓄᐃᑦ ᓄᑕᕋᖏᓐᓄᑦ ᐃᖏᕐᕋᓯᑎᑕᐅᓯᒪᔪᓂᒃ. ᐊᕕᒃᑐᖅᓯᒪᔪᓂ ᐅᖃᕐᕕᐅᔪᓐᓇᖅᑐᑦ ᐊᒻᒪᓗ ᐱᔨᑦᓯᕋᖅᑎᐅᔪᑦ ᑲᒪᔨᖏᑦ ᐃᑲᔪᕐᓂᐊᖅᑐᑦ ᐃᓕᖕᓂᒃ ᐃᑲᔪᖅᑕᐅᔪᒪᓗᑎᑦ ᐊᑭᖃᓐᖏᓪᓗᓂ. ᐃᑲᔪᖅᑕᐅᔪᒪᓗᑎᑦ ᐊᐱᕆᓗᑎᑦ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐊᐱᖁᑎᒃᓴᖃᕈᕕᑦ, ᐊᑏ ᐅᖃᕐᕕᒋᑎᒍᑦ.
ᐃᑲᕈᓐᓇᖅᑐᑦ ᐊᐱᕆᔪᓂᒃ
ᐊᑐᓂ ᑕᒪᐃᓐᓂ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖏᓐᓂ ᑐᒃᑕᕐᕕᐅᔪᒧᑦ ᐃᑲᔪᖅᑎᐅᔪᓂᒃ ᐆᒃᑐᕈᓐᓇᖅᑐᓂᒃ ᐃᑲᔪᖅᑕᐅᔪᒪᓂᕐᒧᑦ ᑕᒪᒃᑯᓂᖓ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᔪᑦ ᐱᒋᐊᖅᑎᑕᐅᓯᒪᓂᖏᓐᓂ. ᐊᑏᑐᖅ ᑐᔪᐃᖃᑦᑕᕐᓂᐊᕐᐳᓯ ᖃᐃᑎᖃᑦᑕᕐᓗᓯ ᑐᒃᓯᕋᐅᑎᔅᓯᓂᒃ ᐃᓄᖕᓄᑦ ᓄᑕᕋᓄᑦ ᐃᑲᔪᖅᑕᐅᔾᔪᑎᒃᓴᐅᓕᖅᑐᓄᑦ ᑕᒡᕘᓇ ᓄᓇᖃᖅᑐᑐᖃᐃᑦ ᐱᔨᑦᑎᕋᖅᑕᐅᕝᕕᖓᒍᑦ ᑲᓇᑕᒥ ᐅᓇ ᖃᕆᑕᐅᔭᒃᑯᑦ ᑐᕌᕈᑎᓕᒃ ᐊᖅᑯᑎᒋᓗᒍ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᑲᓇᑕᒥ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖓᓂ ᑐᒃᑕᕐᕕᐅᔪᒧᑦ. ᐃᓄᐃᑦ ᓄᓇᖅᑲᑦ-ᓯᕗᓪᓕᐅᑎᑕᐅᓂᖏᓐᓂᒃ ᐋᕿᐅᒪᔭᐅᓂᖏᑦ ᐃᑲᔪᖅᓱᐃᒐᒥᒃ ᑕᐃᔭᐅᔪᓂᒃ ᒪᓕᒐᕐᓂᒃ ᔾᔪᐊᑕᓐ ᒪᓕᒐᓕᐅᕈᑕᐅᓯᒪᓂᖓᓂᒃ, ᐱᐅᓯᖃᕐᒪᑕ ᐅᒃᐱᕆᔭᖃᕐᓂᖅ ᑐᖓᕕᐅᓂᖏᓐᓂᒃ ᑕᐃᒃᑯᓇᓂ ᐊᔾᔨᒌᔭᐅᑲᓴᒃᑐᓂᒃ ᖃᓄᐃᓕᐅᕈᑕᐅᔭᕆᐊᖃᕐᓂᖏᓐᓂᒃ ᓄᑕᕋᐃᑦ. ᑕᐃᒃᑯᐊ ᒪᓕᒃᑕᐅᔪᒃᓴᐃᑦ ᖃᓄᐃᓕᐅᕈᓐᓇᕐᓂᕐᒧᑦ ᐆᒃᑐᕐᓂᔅᓯᓐᓂ ᐊᑖᓂ ᐅᓂᒃᑳᖅᑕᐅᓯᒪᑦᑎᐊᖅᐳᑦ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᑎᑕᐅᓂᖏᓐᓄᑦ ᑐᕌᖓᓪᓗᑐᕐᒪᑕ ᐃᓄᐃᑦ ᓄᑕᕋᖏᓐᓄᑦ, ᐊᕕᒃᑐᖅᓯᒪᓂᕆᔅᓯᓐᓂᓗ ᑐᒃᑕᕐᕕᐅᔪᒧ ᑐᑭᓯᑎᑦᑎᒋᐊᑦᑎᐊᒃᑲᓐᓂᕈᓐᓇᖅᓱᓂ ᐃᑲᔪᕈᓐᓇᖅᓱᓂᓗ ᐃᓕᖕᓂᒃ ᖃᐃᑦᑎᔪᓐᓇᕐᓂᖅ ᑐᒃᓯᕋᐅᑎᒃᓴᓂᖕᓂᐊᖅᑕᔅᓯᓐᓂᒃ.
ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᖅᐳᑦ ᑕᐱᕆᓕᖅᑕᒥᓂᒃ ᐃᓄᖕᓂᒃ, ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂᒃ ᓄᓇᓕᒡᔪᐊᖑᓂᖏᓐᓂᒃ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᓂ ᐊᕕᒃᑐᖅᓯᒪᓂᖏᓐᓂᒃ ᓴᕿᐅᒪᑎᑦᑎᓂᕐᒧᑦ ᐊᑯᓂᐅᓂᐊᖅᑐᖅ ᐃᓄᖕᓄᑦ-ᑐᕋᖓᔪᓂᒃ ᖃᓄᐃᓕᐅᕈᑎᒃᓴᓂᒃ ᐱᐅᓂᖅᓴᓂᒃ ᖃᓄᖅᑑᕈᑕᐅᔪᓐᓇᕐᓂᐊᕐᒪᑕ ᐊᔾᔨᒋᔭᐅᖏᓂᖏᑦ ᐋᓐᓂᐊᖅᑐᓕᕆᔭᐅᕙᖕᓂᖏᓐᓄᑦ, ᐃᓄᓕᕆᔭᐅᕙᖕᓂᖏᓐᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᖃᕆᐊᖃᕐᓂᖏᓐᓄᑦ ᐃᓄᐃᑦ ᓄᑕᕋᖏᑦ.
ᖃᐃᑦᑎᔪᒪᒍᕕᑦ ᑐᓂᓯᓗᑎᑦ ᑐᒃᓯᕋᐅᑎᓂᒃ ᐆᒃᑐᕈᑎᓂᒃ:
- ᐊᑐᕆᐊᖃᖅᑕᐃᑦ 1. ᖃᓄᐃᑦᑐᓂᒃ ᐃᑲᔫᑎᒃᓴᓂᒃᑕᐅᓯᔪᓐᓇᕐᓂᖅ
- ᐊᑐᕆᐊᖃᖅᑕᐃᑦ 2. ᑭᓇᒃᑯᑦ ᐆᒃᑐᕈᓐᓇᓂᖏᑦ
- ᐊᑐᕆᐊᖃᖅᑕᐃᑦ 3. ᑭᓇᒃᑯᑦ ᐅᖃᕐᕕᐅᔭᕆᐊᖃᕐᓂᖏᑦ
- ᐊᑐᕆᐊᖃᖅᑕᐃᑦ 4. ᑭᓇᒃᑯᑦ ᑐᔪᐃᔪᓐᓇᕐᒪᖔᑕ ᑐᓂᓯᓗᑎᑦ ᑐᒃᓯᕋᐅᑎᓂᒃ
- ᐊᑐᕆᐊᖃᖅᑕᐃᑦ 5. ᖃᓄᖅ ᑐᓂᓯᔪᓐᓇᕐᓂᖅ ᑐᒃᓯᕋᐅᑎᓂᒃ ᐆᒃᑐᕈᑎᓂᒃ
- ᐊᑐᕆᐊᖃᖅᑕᐃᑦ 6. ᑲᒪᒋᔭᐅᕙᓪᓕᐊᓲᖑᓂᖏᑦ ᑐᒃᓯᕋᐅᑏᑦ ᖃᐃᑕᐅᓯᒪᔪᑦ
- ᐊᑐᕆᐊᖃᖅᑕᐃᑦ 7. ᐅᑎᕐᕕᐅᔪᓐᓇᕐᓂᖅ ᐅᑎᒧᓪᓗ ᑕᐃᔅᓱᒪᓂᑲᓐᓂᐅᔪᓂᒃ ᐱᒋᐊᕐᕕᖃᖅᑐᒥᒃ ᐅᑎᕐᕕᐅᔪᓐᓇᕐᓂᕐᒧᑦ ᑐᒃᓯᕋᐅᑎᑦ
- ᐊᑐᕆᐊᖃᖅᑕᐃᑦ 8. ᖃᓄᖅ ᓴᖑᓐᓂᐊᕈᓐᓇᕐᓂᖅ ᐃᓱᒪᓕᐅᕈᑕᐅᓯᒪᔪᓂᒃ
ᐊᑐᕆᐊᖃᖅᑕᐃᑦ 1. ᖃᓄᐃᑦᑐᓂᒃ ᐃᑲᔫᑎᒃᓴᓂᒃᑕᐅᓯᔪᓐᓇᕐᓂᖅ
ᓄᑕᕋᐃᑦ ᖃᓄᐃᓕᖓᕙᖕᓂᖏᑦ ᐊᔾᔨᒋᓲᖑᖏᒻᒪᑕ. ᐊᑏᑐᖅ ᐅᖃᕐᕕᒋᑎᒍᑦ ᐅᖃᐅᓯᕆᓗᒋᑦ ᖃᓄᐃᑦᑐᓂᒃ ᐃᑲᔫᑎᒃᓴᖃᕈᓐᓇᕐᒪᖔᑦ ᓄᑕᕋᕕᑦ ᐱᔭᕆᐊᖃᖅᑕᖏᓐᓂᒃ.
ᐃᓚᖏᓐᓂᒃ ᐆᒃᑐᑎᒋᑐᐃᓐᓇᕐᓗᑎᒃ ᑮᓇᐅᔭᒃᓴᓂᒃᑕᐅᔪᓐᓇᖅᑐᑦ ᒪᑯᓂᖓ ᐃᓚᖃᓲᖑᕗᑦ:
ᐋᓐᓂᐊᖅᑐᓕᕆᓂᕐᒥᒃ
- ᐃᒃᓯᕙᐅᑕᒃᑯᑦ ᐃᖏᕐᕋᔾᔪᑎᓖᑦ ᓇᐅᒃᑰᕐᕕᒃᓴᖃᕆᐊᖃᕐᓂᖏᓐᓄᑦ
- ᐅᐃᕆᓯᒪᓂᕐᒧᑦ ᓄᖃᕈᓐᓇᐃᓕᓯᒪᓂᕐᒧᑦ ᐃᑲᔪᖅᑕᐅᕝᕖᑦ
- ᐃᓕᖅᑯᓯᑐᖃᓕᕆᓂᕐᒥᒃ ᐃᑲᔪᖅᑕᐅᔾᔪᑎᑦᑦ ᐃᓐᓇᑐᖃᕐᓂᒃ
- ᐃᓱᒪᒃᑯᑦ ᖃᓄᐃᑦᑐᓐᓃᕈᒪᓂᕐᒧᑦ ᐅᖃᕐᕕᒃᓴᐃᑦ
- ᖃᐅᔨᓴᖅᑕᐅᓂᕐᒧᑦ ᐊᔾᔨᓕᐅᖅᑕᐅᔪᓐᓇᕐᓂᕐᒧᓪᓗ ᖃᐅᔨᒋᐊᖅᑕᐅᓂᖏᓐᓄᑦ
- ᐊᓐᓂᐊᕐᓂᕐᒧᑦ ᐊᑐᒐᒃᓴᐃᑦ ᐱᖁᑏᓪᓗ
- ᐊᔪᕈᓐᓃᖅᓴᐅᑎᒃᓴᐃᑦ ᑎᒥᒃᑯᑦ ᐱᔨᑦᑎᕋᐅᑏᑦ (ᐅᖃᕆᐅᖅᓴᓂᕐᒧᑦ, ᑎᒥᒃᑯᑦ ᐊᔪᕈᓐᓃᖅᓴᓂᕐᒧᑦ, ᐃᖃᓇᐃᔮᒥᓄᑦ ᐱᓕᕆᕕᖕᒥᓄᑦ ᑎᒥᒃᑯᑦ ᐊᔪᕈᓐᓃᒃᑲᓐᓂᕋᓱᐊᕈᑎᑦ)
ᐃᓄᓯᕐᒧᑦ
- ᓄᓇᒦᖃᑕᐅᓗᑎᒃ ᖃᓄᐃᓕᐅᕈᑎᑦᒃᓴᐃᑦ
- ᐃᑲᔫᑎᒃᓴᓪᓗᑐᐃᑦ ᐊᐅᔭᒃᑯᑦ ᐊᐅᓪᓚᖅᓯᒪᕕᒃᓴᓄᑦ
- ᐃᖕᒥᓂᒃ ᖃᓄᐃᑦᑐᓐᓃᖅᐸᓪᓕᐊᔪᓐᓇᕐᓂᕐᒧᑦ ᐊᑐᒐᒃᓴᐃᑦ ᒪᓕᒃᑐᑦ ᐃᓕᖅᑯᓯᑐᖃᕆᔭᐅᔪᓂᒃ ᐅᒃᐱᕆᔭᐅᔪᑐᖃᕐᓂᒃ ᐊᒻᒪᓗ ᐱᐅᓯᕆᔭᐅᔪᑐᖃᕐᓂᒃ
ᐃᓕᓐᓂᐊᖅᑐᓕᕆᓂᖅ
- ᐊᑕᐅᓯᐅᓇᖅᑎᖅᓯᒪᔪᓂᒃ ᐊᒥᓲᖏᓈᖅᑕᐅᓯᒪᔪᓐᓇᖅᑐᓂᒡᓗᓐᓃᑦ ᐃᓕᓴᖅᑕᐅᔪᓐᓇᕐᓂᕐᒧᑦ ᐱᔨᑦᑎᕋᐅᑎᑦ
- ᐃᓕᓐᓂᐊᖅᑎᑕᐅᓂᖏᓐᓄᑦ ᐃᑲᔪᖅᑎᒃᓴᐃᑦ
- ᐊᑐᖅᑕᐅᒐᔪᐃᓂᖅᓴᓂᒃ ᐃᓕᓐᓂᐊᕆᐊᖃᕐᓂᕐᒧᑦ ᐊᒡᔭᖅᑕᐅᖃᑦᑕᕐᓂᕐᒧᑦ ᐃᖏᕐᕋᔾᔪᑎᑦ
- ᐃᓱᒪᓕᕆᓂᕐᒧᑦ-ᐃᓕᓐᓂᐊᖅᓯᒪᓂᕐᒧᑦ ᖃᐅᔨᓴᕈᑎᑦ
- ᐊᑐᒐᒃᓴᐃᑦ ᓴᓇᕐᕈᑎᒃᓴᓂᒃᑕᐅᓯᒪᕙᓕᖅᑐᑦ ᐊᒻᒪᓗ ᖃᕆᑕᐅᔭᓖᑦ
ᐊᑐᕆᐊᖃᖅᑕᐃᑦ 2. ᑭᓇᒃᑯᑦ ᐆᒃᑐᕈᓐᓇᓂᖏᑦ
ᑕᒪᕐᒥᒃ ᐃᓄᐃᑦ ᓄᑕᕋᖏᑦ, ᓇᓂ ᓄᓇᖃᕋᓗᐊᕈᑎᒃ ᑲᓇᑕᒥ, ᑐᒃᓯᕋᕈᓐᓇᖅᑐᑦ ᑮᓇᐅᔭᒃᓴᓂᒃᑕᐅᖁᔨᔪᓐᓇᕐᓂᖅ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᔪᑦ ᐱᓕᕆᐊᖑᓕᕐᓂᖏᓐᓄᑦ. ᐃᒪᓐᓇᐃᓐᓇᓕᖓᔭᕆᐊᖃᖅᐳᑦ:
- ᐃᓕᑕᕆᔭᐅᓯᒪᓗᑎᒃ ᐊᑎᓕᐅᖅᑕᐅᓯᒪᖃᑕᐅᓗᑎᒃ ᓄᓇᑖᕈᑎᒥᓄᑦ ᑲᑐᔾᔨᖃᑎᒌᖕᓄᑦ;
ᐊᒻᒪᓗ
- ᐅᑭᐅᖃᕐᓗᓂ ᐃᓐᓇᐅᓂᕋᖅᑕᐅᓯᒪᖏᑦᑐᓂᒃ ᓱᓕ ᐊᕕᒃᑐᖅᓯᒪᓂᖏᓐᓂ ᓄᓇᖃᕐᕕᒋᔭᒥᓂ.
ᐊᑐᕆᐊᖃᖅᑕᐃᑦ 3. ᑭᓇᒃᑯᑦ ᐅᖃᕐᕕᐅᔭᕆᐊᖃᕐᓂᖏᑦ
ᐅᖃᕐᕕᒋᓗᒍ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᕝᕙᓗᓐᓃᑦ ᑲᓇᑕᓕᒫᒥ ᐅᖄᓚᕕᐅᕙᒃᑐᖅ ᐅᖄᓚᕕᒋᓗᒍ ᐅᓇ 1-855-572-4453, ᐊᑐᐃᓐᓇᐅᔪᖃᓲᖑᖕᒪᑕ 24-ᓂᒃ ᐃᑲᕐᕋᓂᒃ ᖃᐅᑕᒫᖅ, 7-ᓂᒃ ᐅᓪᓗᓂᒃ ᐱᓇᓱᐊᕈᓯᑕᒫᖅ.
ᐊᑐᕆᐊᖃᖅᑕᐃᑦ 4. ᑭᓇᒃᑯᑦ ᑐᔪᐃᔪᓐᓇᕐᒪᖔᑕ ᑐᓂᓯᓗᑎᑦ ᑐᒃᓯᕋᐅᑎᓂᒃ
ᑐᒃᓯᕋᐅᑏᑦ ᖃᐃᑕᐅᔪᓐᓇᖅᑐᑦ ᐃᒪᓐᓇ:
- ᐊᖓᔪᖄᕆᔭᐅᔪᓄᓪᓗᓐᓃᑦ ᐸᖅᑭᔨᐅᔪᓂᒡᓗᓐᓃᑦ ᓄᑕᕋᕐᒥᒃ ᐃᓄᖕᒥᒃ ᐱᔾᔪᔾᔨᓗᑎᒃ ᐃᓐᓇᕈᖅᓯᒪᓐᖏᑐᒥ ᓱᓕ; ᐅᕝᕙᓗᓐᓃᑦ
- ᐃᓄᒃ ᒪᒃᑯᒃᑐᖅ ᐅᑭᐅᓕᒃ 16-ᓂᒃ ᐅᖓᑖᓃᓗᓐᓃᑦ ᐃᖕᒥᓂᒃ ᐱᓇᓱᖕᓂᕐᒥᓄᑦ; ᐅᕝᕙᓗᓐᓃᑦ
- ᒪᓕᒐᖅᑎᒍᑦ ᑭᒡᒐᖅᑐᐃᔨᐅᑎᑕᖅ ᓄᑕᖃᒥᒃ, ᐊᖓᔪᖄᖑᓗᓐᓃᑦ, ᐸᖅᑭᔨᒋᔭᖓᓗᓐᓃᑦ (ᑎᑎᕋᖅᓯᒪᔪᓂᒃ ᐅᕝᕙᓗᓐᓃᑦ ᐅᖃᐅᓯᒃᑰᖅᑐᒥᒃ ᐊᖏᖅᓯᒪᔭᕆᐊᖃᖅᑐᖅ ᖃᐃᑦᑎᓗᓂ ᐊᖓᔪᖄᕆᔭᖓ ᐅᕝᕙᓗᓐᓃᑦ ᐸᖅᑭᔨᒋᔭᖓ)
ᑐᒃᓯᕋᐅᑎᑦ ᐱᔾᔪᑎᖃᖅᑐᑦ ᐊᑕᐅᓯᐅᖏᑦᑐᒧᑦ, ᐊᒥᓱᓄᑦ ᓄᑕᕋᓄᑦ, ᐊᔾᔨᒌᒐᓚᒃᑐᓂᒃ ᐃᑲᔪᖅᑕᐅᔭᕆᐊᖃᖅᑐᓂᒃ ᐊᒥᓱᓂᒃ ᐃᓚᒌᒃᑐᓂᖔᖅᑐᓂᒃ ᐅᕝᕙᓗᓐᓃᑦ ᐸᖅᑭᔨᐅᔪᓂᖔᖅᑐᓂᒃ ᑐᓂᔭᐅᓯᒪᔪᓐᓇᖅᐳᑦ ᓄᓇᓕᖕᒥᐅᑕᐅᔪᓂᒃ ᐅᕝᕙᓗᓐᓃᑦ ᐱᔨᑦᑎᕋᐃᔨᐅᕙᒃᑐᓂᒃ ᐱᓕᕆᔨᐅᔪᓂᖔᕈᓐᓇᖅᓱᑎᒃ. ᐆᒃᑑᑎᒋᓗᒋᑦ ᒪᑯᓂᖓ ᐱᔨᑦᑎᕋᐃᔨᓂᖔᖅᑐᑦ ᑐᒃᓯᕋᐅᑎᖃᕈᓐᓇᖅᐳᑦ ᒪᑯᓂᖓ:
- ᐃᒃᓯᕙᐅᑕᒃᑯᑦ ᐃᖏᕐᕋᔾᔪᑎᓖᑦ ᓇᐅᒃᑰᕐᕕᒃᓴᖃᕆᐊᖃᕐᓂᖏᓐᓄ
- ᐃᓕᖅᑯᓯᓕᕆᕐᒥᒃ ᐃᑲᔪᖅᑕᐅᔪᒪᓂᕐᒧᑦ ᐊᑐᒐᒃᓴᓂᒃ
- ᐊᑐᖅᑕᐅᒐᔪᐃᓂᖅᓴᓂᒃ ᐃᓕᓐᓂᐊᕆᐊᖃᕐᓂᕐᒧᑦ ᐊᒡᔭᖅᑕᐅᖃᑦᑕᕐᓂᕐᒧᑦ ᐃᖏᕐᕋᔾᔪᑎᑦ
- ᐊᑐᖅᑕᐅᒐᔪᐃᓐᓂᖅᓴᓂᒃ ᐃᓕᓐᓂᐊᕈᑎᒃᓴᖏᓐᓄᑦ ᐊᒻᒪᓗ ᑐᑭᓯᐅᒪᖃᑦᑕᐅᑎᓂᖏᓐᓄᑦ ᐱᖁᑎᓂᒃ
ᐊᑐᕆᐊᖃᖅᑕᐃᑦ 5. ᖃᓄᖅ ᑐᓂᓯᔪᓐᓇᕐᓂᖅ ᑐᒃᓯᕋᐅᑎᓂᒃ ᐆᒃᑐᕈᑎᓂᒃ
ᑐᒃᓯᕋᕈᒪᓂᐊᖅᑕᕐᓂᒃ ᐱᒋᐊᖅᑎᑦᑎᓂᐊᕈᕕᑦ, ᐅᖃᕐᕕᒋᑎᒍᑦ. ᑕᒫᓃᓐᓇᑦᑕ ᐃᑲᔪᖅᑎᐅᖁᔭᐅᓪᓗᑕ.
ᖃᐅᔨᒪᔭᐅᕆᐊᖃᕐᓂᐊᖅᑐᓂᒃ ᐊᑐᐃᓐᓇᐅᑎᑦᑎᕙᒌᖃᑦᑕᕐᓂᖅ ᐅᕙᑦᑎᓐᓄᑦ ᐅᖃᕌᖓᔅᓯ ᐃᑲᔪᓂᖃᕈᓐᓇᖅᐳᖅ ᐅᕙᑦᑎᓐᓂᒃ ᐱᓇᓱᖕᓂᐊᕈᕕᑦ ᑮᓇᐅᔭᒃᓴᓂᒃᑕᐅᖁᔨᓂᖅ ᐊᑭᓖᖁᔨᓂᕐᓗᓐᓃᑦ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐅᕝᕙᓗᓐᓃᑦ ᐃᑲᔫᑎᒃᓴᓄᑦ.
ᖃᐅᔨᔭᐅᖃᑦᑕᕈᒪᓲᑦ ᐃᓕᖕᓂᒃ ᒪᑯᓂᖓ ᐃᓚᖃᓲᖑᕗᑦ:
- ᑎᑎᖃᖃᖅᑐᓂᒃ ᓄᓇᑖᖃᑕᐅᓯᒪᓂᕐᒧᑦ ᐊᑎᓕᐅᖅᑕᐅᓯᒪᓂᖅ ᐃᓄᐃᑦ ᓄᓇᖓᓂᒃ
ᐊᑏᑐᖅ ᑐᓂᓯᓂᐊᖅᐳᑦ ᓇᓕᐊᖕᓂᑐᐃᓐᓇᖅ ᐅᑯᓴᖓᑦ:
- ᓄᑕᕋᐅᑉ ᓄᓇᑖᕈᑎᖓᓄᑦ ᓄᓇᑖᕈᑎᖓᑕ ᓈᓴᐅᑎᖓᓂᒃ (ᐃᓕᑕᕆᔭᐅᓯᒪᔾᔪᑎᒥᒃ ᓄᑕᕋᕐᒥᒃ ᐊᑎᓕᐅᖅᑕᐅᓯᒪᓂᖓᓂᒃ ᓄᓇᑖᖃᑕᐅᓯᒪᔪᓂ)
ᐅᕝᕙᓗᓐᓃᑦ - ᐊᑕᐅᓯᐅᑉ ᐊᖓᔪᖄᕆᔭᐅᔫᑉ ᓄᓇᑖᕈᑎᖓᓄᑦ ᓈᓴᐅᑎᖓᓂᒃ (ᐃᓕᑕᕆᔭᐅᓯᒪᔾᔪᑎᒥᒃ ᐊᖓᔪᖄᕆᔭᐅᔫᑉ ᐊᑎᓕᐅᖅᑕᐅᓯᒪᓂᖓᓂᒃ ᓄᓇᑖᖃᑕᐅᓯᒪᔪᓂ ᐱᖃᑕᐅᙱᒃᑎᓪᓗᒋᑦ ᓄᓇᑦᓯᐊᕗᑦ ᒐᕙᒪᖓᑦ)
ᐅᕝᕙᓗᓐᓃᑦ - ᑎᑎᖃᓂᒃ ᐅᕝᕙᓗᓐᓃᑦ ᐸᐸᑕᐅᓲᖑᔪᓂᒃ ᓇᓗᓇᐃᒃᑯᑕᓂᒃ ᓄᑕᕋᖅ ᐅᕝᕙᓗᓐᓃᑦ ᓇᓕᐊᑐᐃᓐᓇᖅ ᐊᓈᓇᐅᔪᖅ ᐊᑖᑕᐅᔪᕐᓗᓐᓃᑦ ᐊᖓᔪᖄᕆᔭᖅ ᓄᓇᑖᕈᑎᖓᓄᑦ ᓄᓇᑖᕈᖏᔭᐅᕙᒃᑐᓂᒃ ᑲᓇᑕᒥ
ᐅᕝᕙᓗᓐᓃᑦ - ᓇᓗᓇᐃᒃᑯᑕᒥᒃ ᐊᒻᒪᓗ ᐊᖏᕈᑕᐅᓯᒪᓂᕐᓄᑦ ᑎᑎᕋᕐᕕᒃᓴᐃᑦ ᑕᑕᑎᖅᑕᐅᓯᒪᔪᑦ ᓄᓇᑖᕈᑎᓄᑦ ᑲᑐᔾᔨᖃᑎᒌᒃᑯᓯᓐᓂᒃ (ᐊᕕᒃᑐᖅᓯᒪᓂᔅᓯᓐᓄᑦ ᑐᒃᑕᕐᕕᐅᔪᒧᑦ ᖃᐃᑕᐅᓯᒪᓗᓂ ᐃᓕᓐᓄᑦ ᑎᑎᕋᕐᕕᒃᓴᖅ ᑕᑕᑎᖅᑕᐅᓯᒪᔭᕆᐊᓕᒃ)
- ᓄᑕᕋᐅᑉ ᓄᓇᑖᕈᑎᖓᓄᑦ ᓄᓇᑖᕈᑎᖓᑕ ᓈᓴᐅᑎᖓᓂᒃ (ᐃᓕᑕᕆᔭᐅᓯᒪᔾᔪᑎᒥᒃ ᓄᑕᕋᕐᒥᒃ ᐊᑎᓕᐅᖅᑕᐅᓯᒪᓂᖓᓂᒃ ᓄᓇᑖᖃᑕᐅᓯᒪᔪᓂ)
- ᓇᐃᓈᖅᓯᒪᔪᓂᒃ ᓄᑕᕋᕕᑦ ᖃᓄᐃᕙᓪᓕᐊᓚᐅᕐᓂᖓᓂᒃ ᖃᐅᔨᒪᑎᑦᑎᓂᖅ ᐊᒻᒪᓗ ᐊᔾᔨᐅᖏᑦᑐᒥᒃ ᐃᑲᔪᖅᑕᐅᔭᕆᐊᖃᕈᑎᖓᓂᒃ
- ᐱᔭᕆᐊᖃᖅᑕᕐᓂᒃ ᐱᖁᑎᒥᓗᓐᓃᑦ, ᐱᔨᑦᑎᕋᐅᑎᓂᒡᓗᓐᓃᑦ, ᐃᑲᔪᖅᑕᐅᔾᔪᑎᒃᓴᓂᒡᓗᓐᓃᑦ
- ᖃᓄᖅ ᐊᒥᓱᐃᖅᑕᖅᑎᒋᓚᖓᔪᒥᒃ ᐊᑐᕆᐊᖃᕐᓂᐊᖅᑕᑎᑦ ᐱᖁᑏᓘᓐᓃᒃ, ᐱᔨᑦᑎᕋᐅᑎᓗᓐᓃᑦ, ᐃᑲᔫᑎᒃᓴᐃᓗᓐᓃᑦ
- ᐊᑕᐅᓰᕐᓗᓂ
- ᐊᒥᓱᐃᖅᑕᕐᓂᐊᖅᑐᓂᒃ
- ᑕᐃᒪᖓᑦ ᑲᔪᓰᓐᓇᕐᓂᐊᖅᑐᒥᒃ
- ᓇᓚᐅᑖᖅᑕᐅᓯᒪᔪᑦ ᐊᑭᖃᓚᖓᓂᖏᑦ (ᖃᐅᔨᒪᔭᐅᓐᓂᕈᑎᒃ)
- ᐊᔾᔨᖏᓐᓂᒃ ᒪᑯᓂᖓ ᐱᑕᖃᕐᓂᖏᓐᓂᒃ
- ᐃᓱᐊᖅᓴᐅᑏᓪᓗᓐᓃᑦ ᐄᔭᒐᐃᓪᓗᓐᓃᑦ ᐊᑐᖁᔭᐅᓂᖏᓐᓄᑦ ᑎᑎᖃᐃᑦ
- ᐊᑐᖁᔭᐅᓂᖏᑦ ᐊᓐᓂᐊᓯᐅᖅᑎᒥᒃ, ᐃᓄᓕᕆᔨᒥᒃ, ᐃᓕᓴᐃᔨᒧᓪᓗᓐᓃᑦ ᖃᐅᔨᒪᔨᑕᕆᔭᐅᔪᓄᑦ (ᐱᓯᒪᓐᓂᕈᕕᒋᑦ ᑎᑎᖃᖁᑎᖏᑦ)
- ᐊᓐᓂᐊᕐᓂᖓᓄᑦ, ᐃᓕᓐᓂᐊᕈᓐᓇᕐᓂᖓᓄᑦ, ᐃᓄᓕᕆᔭᐅᓂᖓᓄᓪᓗᓐᓃᑦ ᖃᐅᔨᓴᖅᑕᐅᓯᒪᓂᖓᓄᑦ, ᐊᑐᖁᔭᐅᓂᖓᓄᑦ ᓄᑕᕋᕕᑦ ᐱᖁᑎᓂᒡᓗᓐᓃᑦ, ᐱᔨᑦᑎᕋᐅᑎᓂᒡᓗᓐᓃᑦ, ᐃᑲᔫᑎᒃᓴᓂᒡᓗᓐᓃᑦ
- ᑐᒃᓯᕋᐅᑎᒋᔭᑎᑦ ᑐᓂᔭᐅᕌᓂᒃᓯᒪᓐᓂᕈᑎᒃ ᖃᖓᓴᐅᓕᖅᑐᒥᒃ, ᐊᑐᕐᓗᑎᒃ ᑲᓇᑕᐅᑉ ᐊᕕᒃᑐᖅᓯᒪᓂᐊᒍᑦ ᑲᓇᑕᐅᓪᓗᓐᓃᑦ ᒐᕙᒪᒍᑦ ᐆᒃᑐᕐᕕᖓᒍᑦ ᐱᔨᑦᑎᕋᐅᑎᖓᒍᓪᓗᓐᓃᑦ ᑐᓂᔭᐅᓚᐅᕈᑎᒃ ᐆᒃᑐᕈᑏᑦ ᐊᒻᒪᓗ ᑎᑎᖃᖏᑦ ᑕᐃᒃᑯᓄᖓ ᑐᓂᔭᐅᓚᐅᕐᓂᖏᑦ (ᐊᑐᐃᓐᓇᐅᓐᓂᕈᑎᒃ)
ᐊᑐᕆᐊᖃᖅᑕᐃᑦ 6. ᑲᒪᒋᔭᐅᕙᓪᓕᐊᓲᖑᓂᖏᑦ ᑐᒃᓯᕋᐅᑏᑦ ᖃᐃᑕᐅᓯᒪᔪᑦ
Regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᕿᒥᕐᕈᐊᕐᓂᐊᖅᑐᑦ ᐱᔭᕇᖅᑕᐅᓯᒪᔪᓂᒃ ᑐᒃᓯᕋᐅᑎᓂᒃ. ᐃᓱᒪᓕᐅᕈᑕᐅᓯᒪᓂᖏᓐᓂᒃ ᐃᓕᖕᓄᑦ ᑐᔪᐃᓂᐊᖅᑐᑦ ᑎᑎᖃᑎᒍᑦ ᑲᒪᒋᔭᐅᕌᓂᒃᑯᑎᒃ. ᑐᒃᓯᕋᐅᑎᒋᔭᖏᑦ ᐊᖏᖅᑕᐅᓂᖏᑉᐸᑦ, ᓴᖑᓐᓂᐊᕋᓱᐊᕈᓐᓇᖅᑐᑎᑦ ᖃᖓᑐᐃᓐᓇᖅ ᐊᑕᐅᓯᕐᒥᒃ ᐊᕐᕋᒎᑉ ᐃᓗᐊᓂ ᐱᒋᐊᕐᕕᖃᖅᑐᒥᒃ ᑕᐃᑲᖓᑦ ᐅᓪᓗᕆᓚᐅᖅᑕᖓᓂᒃ ᐊᖏᖅᑕᐅᓚᐅᖏᓐᓂᖓᓂᒃ ᐱᒋᐊᕐᓗᒍ.
ᑮᓇᐅᔭᒃᓴᓂᒃᑕᐅᓯᒪᔪᓐᓇᖅᑐᑦ ᐊᖏᕈᑕᐅᓯᒪᔪᑦ ᑐᒃᓯᕋᐅᑎᑦ ᐊᑕᐅᓯᕐᒥᒃ ᐅᑯᓇᖓᑦ ᒪᕐᕉᖕᓂᒃ ᐊᑐᖅᑕᐅᓲᖑᔪᓂᒃ:
- ᑮᓇᐅᔭᒃᓴᓂᒃᓯᕙᒃᑐᒍᑦ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐃᑲᔫᑎᒃᓴᓄᓪᓗᓐᓃᑦ ᓄᑕᕋᒧᑦ ᓄᑕᕋᕐᓄᓪᓗᓐᓃᑦ ᐊᑐᖅᑕᐅᓂᐊᖅᑐᓂᒃ.
- ᐃᓚᒋᔭᐅᔪᖅ, ᐸᖅᑭᔨᐅᔪᖅ, ᓄᑕᕋᖅ ᐅᕝᕙᓗᓐᓃᑦ ᐱᔪᓐᓇᐅᑎᖃᖅᑎᑕᐅᔪᖅ ᓄᑕᕋᒥᒃ ᑭᒡᒐᖅᑐᐃᔨᐅᔪᖅ ᐊᑭᓖᕙᒌᖅᓯᒪᒃᐸᑦ ᐊᖏᕈᑕᐅᓯᒪᔪᓂᒃ ᐱᖁᑎᓂᒃ, ᐱᔨᑦᑎᕋᐅᑎᓂᒃ ᐅᕝᕙᓗᓐᓃᑦ ᐃᑲᔫᑎᒃᓴᓂᒃ, ᐅᑎᕐᕕᐅᔪᓐᓇᖅᑐᑦ ᑕᒪᒃᑯᓄᖓ ᐊᑭᓖᓯᒪᔭᖏᓐᓄᑦ.
ᐊᑐᕆᐊᖃᖅᑕᐃᑦ 7. ᐅᑎᕐᕕᐅᔪᓐᓇᕐᓂᖅ ᐅᑎᒧᓪᓗ ᑕᐃᔅᓱᒪᓂᑲᓐᓂᐅᔪᓂᒃ ᐱᒋᐊᕐᕕᖃᖅᑐᒥᒃ ᐅᑎᕐᕕᐅᔪᓐᓇᕐᓂᕐᒧᑦ ᑐᒃᓯᕋᐅᑎᑦ
ᐊᑐᓂ ᓄᑕᕋᐃᑦ ᖃᓄᐃᓕᖓᓂᖏᑦ ᐊᔾᔨᒌᖏᑦᑐᐃᓐᓇᐅᖕᒪᑕ. ᑕᒪᒃᑯᐊ ᐱᔾᔪᑕᐅᓪᓗᑎᒃ ᐱᒻᒪᕆᐊᓘᕙᒃᐳᖅ ᓇᓗᓇᐃᔭᐃᑦᑎᐊᕆᐊᖃᕐᓂᖅ ᑲᒪᔨᐅᔪᒧᑦ Regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ).
ᑐᒃᓯᕋᐅᓯᐅᕐᓂᖅ ᐅᑎᕐᕕᐅᔪᒪᓂᕐᒧᑦ
ᐅᑎᕐᕕᐅᔪᓐᓇᕐᓂᖅ ᑲᔪᓯᑎᑕᐅᓇᔭᖅᐳᖅ ᑕᐃᒃᑯᐊ ᐊᖏᕈᑕᐅᓯᒪᓂᖏᑦ ᐱᖁᑎᑦ, ᐱᔨᑦᑎᕋᐅᑏᑦ ᐃᑲᔫᑎᒃᓴᐃᓪᓗᓐᓃᑦ ᐊᑭᓕᐊᓂᒃᓯᒪᓕᕈᑎᒃ ᐃᓚᒋᔭᐅᔪᒧᑦ ᐅᕝᕙᓗᓐᓃᑦ ᐱᔨᑦᑎᕋᐃᔨᐅᕙᒃᑐᓄᑦ/ᓂᐅᕕᖅᑎᓄᑦ ᐊᓂᒍᖅᓯᒪᓕᖅᑎᓪᓗᒍ ᔫᓂ 19, 2018.
ᑎᑎᕋᕐᕕᒃᓴᖃᕆᐊᖃᖅᐳᑦ ᑕᑕᑎᕆᐊᓕᖕᓂᒃ.
- ᑐᒃᓯᕋᐅᑕᐅᓂᐊᖅᑐᓂᒃ ᐅᑎᕐᕕᐅᔪᒪᓂᕐᒧᑦ ᐊᑭᓕᐊᓂᒃᓯᒪᔭᒥᓄᑦ
- ᐱᔨᑦᑎᕋᐃᔩᑦ ᐅᕝᕙᓗᓐᓃᑦ ᓂᐅᕕᖅᑏᑦ ᑐᒃᓯᕋᕈᓐᓇᖅᑐᑦ ᓇᖕᒥᓂᖅ ᐊᑭᓕᖅᑕᐅᔪᒪᓂᖅ ᐱᔨᑦᑎᕋᐃᓯᒪᓂᖏᓐᓄᑦ
ᒪᓕᒡᓗᒋᑦ ᐅᑯᐊ ᐱᖓᓱᑦ ᐊᑐᖅᑕᐅᔭᕆᐊᓖᑦ ᑐᒃᓯᕋᕐᓂᐊᕐᓗᓂ ᐅᑎᕐᕕᐅᔪᒪᓂᖅ ᑮᓇᐅᔭᓂᒃ:
- ᐅᖃᕐᕕᒋᓗᒍ ᑕᐃᒫ ᐃᓕᖕᓂᒃ ᐃᑲᔪᕐᓂᐊᕐᒪᑕ ᐱᒋᐊᖅᑎᑦᑎᔪᓐᓇᕐᓂᖅ ᑲᒪᒋᔭᐅᓂᖏᓐᓂᒃ ᓇᓗᓇᐃᖅᑕᐅᓂᖏᓐᓄᓪᓗ ᐱᖁᑏᓪᓗᓐᓃᑦ, ᐱᔨᑦᑎᕋᐅᑏᓪᓗᓐᓃᑦ, ᐃᑲᔫᑎᒃᓴᐃᓪᓗᓐᓃᑦ ᑮᓇᐅᔭᓂᒃᑕᐅᔪᓐᓇᕐᓂᖏᑦ.
- ᐱᔭᕇᖅᑕᐅᓯᒪᓗᑎᒃ ᐅᑎᕐᕕᐅᔪᒪᓂᕐᒧᑦ ᑕᑕᑎᒐᒃᓴᐃᑦ ᑎᑎᕋᕐᕕᒃᓴᖏᑦ (ᑐᔪᖅᑕᐅᔪᓐᓇᕐᓂᐊᖅᑐᑎᑦ ᑎᑎᕋᕐᕕᒃᓴᓂᒃ ᑕᑕᑎᖅᓯᒪᔭᕆᐊᖃᖅᑐᓂᒃ ᐊᒻᒪᓗ ᐃᑲᔪᖅᑕᐅᔪᓐᓇᖅᓱᑎᑦ ᑕᑕᑎᖅᑕᐅᕙᓪᓕᐊᓂᖏᓐᓂ).
- ᑐᔪᕐᓗᒋᑦ ᐱᔭᕇᖅᑕᐅᓯᒪᓕᖅᑐᑦ ᐅᑎᕐᕕᐅᔪᒪᓂᕐᒧᑦ ᑎᑎᕋᕐᕕᒃᓴᐃᑦ ᑕᑕᑎᖅᓯᒪᓕᖅᑐᑦ ᑕᐃᔅᓱᒧᖓ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐃᓚᖃᕐᓗᑎᒃ ᑕᒪᐃᓐᓂᒃ ᐱᑕᖃᕆᐊᖃᖅᑐᐃᓐᓇᐅᔪᓂᒃ ᑎᑎᖃᖁᑎᒋᔭᐅᔪᓂᒃ ᐃᑲᔫᑎᒃᓴᐅᓂᐊᖅᑐᓂᒃ.
ᑮᓇᐅᔭᖅᑖᕈᑕᐅᓂᖅ
ᑐᒃᓯᕋᐅᑎᑦ ᓄᑕᕋᕐᒧᑦ ᓄᑕᖃᓄᓪᓗᓐᓃᑦ ᐃᓚᒌᒃᑐᐃᓐᓇᐅᓂᖏᓐᓂ ᐅᕝᕙᓗᓐᓃᑦ ᐱᓯᒪᔭᐅᔪᓂᒃ ᑕᐃᔅᓱᒧᖓᑦᓴᐃᓐᓇᖅ ᐸᕿᔨᐅᑎᑕᐅᔪᒧᑦ:
- ᐊᖓᔪᖄᕆᔭᐅᔪᖅ ᐸᖅᑭᔨᐅᔪᕐᓗᓐᓃᑦ ᑮᓇᐅᔭᖅᑕᖅᑎᑕᐅᕙᒃᐳᑦ ᓄᑕᕋᖅ ᐅᑭᐅᖃᖅᐳᖅ ᐃᓐᓇᕈᖅᓯᒪᖏᓂᕐᒥᒃ ᓄᓇᖓᓂ ᑲᓇᑕᐅᑉ ᐊᕕᒃᑐᖅᓯᒪᓂᖓᓄ/ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖓᓂ
- ᓄᑕᕋᐃᑦ ᒪᒃᑯᒃᑐᑦ ᐅᑭᐅᓖᑦ 16-ᓂᒃ ᐅᖓᑖᓂᓗ ᐊᑭᓕᖅᑕᐅᔪᓐᓇᖅᑐᑦ ᑐᓂᓯᓯᒪᒍᑎᒃ ᑐᒃᓯᕋᐅᑎᓂᒃ
- ᓂᐅᕕᖅᑎᐅᔪᖅ ᐱᔨᑦᑎᕋᐃᔨᐅᔪᕐᓗᓐᓃᑦ ᐊᑭᓕᖅᑕᐅᑲᐅᑎᒋᔪᓐᓇᖅᑐᖅ ᓇᖕᒥᓂᖅ
ᑐᒃᓯᕋᖅᓯᒪᔪᑦ ᐊᒥᓱᓂᒃ ᓄᑕᕋᒐᓴᖕᓂᒃ ᐱᔾᔪᔾᔨᓗᑎᒃ ᐃᓚᒌᒃᑐᓂᒃ ᐅᕝᕙᓗᓐᓃᑦ ᐊᒥᓱᓂᒃ ᐸᖅᑭᔨᒋᔭᐅᔪᓂᒃ:
- ᑮᓇᐅᔭᖅᑖᖅᑎᑕᐅᓂᐊᖅᑐᑦ ᓄᓇᓕᖓ ᑎᒥᖁᑎᒋᔭᐅᔪᓪᓗᓐᓃᑦ ᑐᒃᓯᕋᖅᓯᒪᔪᑦ
- ᓂᐅᕕᖅᑏᑦ ᐱᔨᑦᑎᕋᐃᔩᓗᓐᓃᑦ ᐊᑭᖅᑕᐅᔪᓐᓇᕐᒥᔪᑦ ᓇᖕᒥᓂᖅ
ᐊᑐᕆᐊᖃᖅᑕᐃᑦ 8. ᖃᓄᖅ ᓴᖑᓐᓂᐊᕈᓐᓇᕐᓂᖅ ᐃᓱᒪᓕᐅᕈᑕᐅᓯᒪᔪᓂᒃ
ᑐᒃᓯᕋᐅᑎᒋᔭᐃᑦ ᐊᖏᖅᑕᐅᓂᖏᒃᑯᓂ, ᖃᖓᑐᐃᓐᓇᖅ ᐱᒋᐊᖅᑎᑦᑎᔪᓐᓇᖅᑐᑦ ᓴᖑᓂᐊᖅᑎᑦᑎᓇᖕᓂᖅ ᐃᓗᐊᓂ ᐊᑕᐅᓯᐅᑉ ᐊᕐᕋᒍᒥ, ᐱᒋᐊᕐᕕᖃᖅᑐᒥᒃ ᐅᓪᓗᖓᓂᒃ ᐊᖏᖅᑕᐅᓚᖏᓂᖓᓂᒃ.
ᑕᐃᒪᐃᓐᓂᐊᕈᕕᑦ, ᐊᑏᑐᖅ ᑎᑎᕋᖅᓯᒪᔪᓂᒃ ᑐᒃᓯᕋᐅᑎᓂᒃ ᑐᓂᓯᓂᐊᖅᐳᑎᑦ ᑕᐃᔅᓱᒧᖓ ᐊᕕᒃᑐᖅᓯᒪᓂᔅᓯᓐᓄᑦ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ)ᒧᑦ, ᐃᓕᖕᓂᒃ ᐱᓕᕆᖃᑎᖃᕐᓂᐊᕐᒪᑦ ᐊᑐᕆᐊᖃᖅᑕᕐᓂᒃ ᐊᑐᕐᓗᓯᒃ.
ᑕᒪᕐᒥᒃ ᑐᒃᓯᕋᐅᑏᑦ ᓴᖑᓐᓂᐊᖅᑕᐅᖁᔨᓂᒧᑦ ᐃᓚᖃᕆᖃᖅᑐᑦ ᒪᑯᓂᖓ ᑕᒪᒃᑯᓂᖓᑑᖏᑦᑐᓐᓇᕐᒥᔪᓂᒃ:
- ᓄᑕᕋᐅᑉ ᐊᑎᖓᓂᒃ ᐊᒻᒪᓗ ᐅᓪᓗᖓᓂᒃ ᐃᓅᓕᕐᕕᕕᓂᖓᓂᒃ
- ᐱᖁᑎᓂᒡᓗᓐᓃᑦ ᐱᔨᑦᑎᕋᐅᑎᓂᒡᓗᓐᓃᑦ ᑐᒃᓯᕋᖅᑕᐅᓯᒪᔪᓂᒃ
- ᐅᓪᓗᖓᓂᒃ ᐊᖏᖅᑕᐅᓚᐅᖏᓂᖏᓐᓂᒃ
ᐱᔭᕆᐊᖃᖅᑎᑕᐅᖏᒃᑲᓗᐊᖅᑎᓪᓗᒋᑦ ᐱᒋᐊᖅᑎᑦᑎᔪᓐᓇᕐᓂᕐᒧᑦ ᓴᖑᓐᓂᐊᖅᑕᐅᖁᔭᕐᓄᑦ, ᐱᖃᓯᐅᔾᔨᓯᒪᔪᓐᓇᕐᒥᔪᑎᑦ ᐊᓯᒃᑲᓐᓂᖏᓐᓂᒃ ᖃᐅᔨᒪᑎᑦᑎᒃᑲᓐᓂᕈᑕᐅᔪᓐᓇᖅᑐᓂᒃ, ᓲᕐᓗ ᖃᐅᔨᒪᔨᑕᕐᓄᑦ ᖃᐅᔨᓴᖅᑕᐅᓯᒪᔾᔪᑎᕕᓂᖏᓐᓂᒃ ᐅᕝᕙᓗᓐᓃᑦ ᖃᐅᔨᒪᔾᔪᑎᒃᓴᓂᒃ ᐅᓂᒃᑳᖅᑐᓂᒃ ᓇᐃᓈᖅᑕᐅᓯᒪᔪᓂᒃ ᓄᑕᕋᕕᑦ ᖃᓄᐃᓕᐅᖃᑦᑕᖅᓯᒪᓂᖓᓂᒃ ᐊᒻᒪᓗ ᐊᔾᔨᒋᔭᐅᖏᑦᑐᓂᒃ ᐱᔭᕆᐊᖃᖅᑕᖏᓐᓂᒃ.
ᓴᖑᓐᓂᐊᕈᑏᑦ ᑲᒪᒋᔭᐅᓂᖏᓐᓂ ᐊᑯᓂᐅᑎᖃᖅᑎᒋᔪᓐᓇᖅᐳᑦ 30-ᓂᒃ ᐃᖃᓇᐃᔭᕐᓇᐅᔪᓂ ᐃᓕᕆᓐᓇᐅᔪᓂ ᐅᓪᓗᓂᒃ.
ᑐᔪᐃᔪᓐᓇᕐᓂᖅ ᓴᖑᓐᓂᐊᕈᓐᓇᕐᓂᖅ ᐃᓱᒪᓕᐅᕈᑕᐅᓯᒪᔪᓂᒃ
ᑭᓇᑐᐃᓐᓇᖅ ᐃᓄᒃ ᓴᖑᓐᓂᐊᖅᑕᐅᑎᑦᑎᔪᓐᓇᖅᐳᖅ ᐃᓱᒪᓕᐅᕈᑕᐅᓯᒪᔪᓂᒃ ᐃᒪᓐᓇᐃᓕᖓᒍᑎᒃ:
- ᐊᖓᔪᖄᕆᔭᐅᒍᓂ ᐸᖅᑭᔨᐅᒍᓂᓗᓐᓃᑦ ᐃᓄᖕᒥᒃ ᓄᑕᕋᒥᒃ
- ᐃᓅᓗᓂ ᓄᑕᕋᖅ ᒪᒃᑯᒃᑑᒍᓂ 16-ᓂᒃ ᐅᖓᑖᓂᓗᓐᓃᑦ ᐅᑭᐅᖃᕈᓂ
- ᐊᖏᑕᐅᓯᒪᒍᑦ ᐃᓕᑕᕆᔭᐅᓯᒪᓂᖅ ᑭᒡᒐᖅᑐᐃᔨᐅᓂᖅ ᓄᑕᕋᒥᒃ, ᐊᖓᔪᖄᕆᔭᐅᒍᓂᓗᓐᓃᑦ, ᐸᖅᑭᔨᐅᒍᓂᓗᓐᓃᑦ
ᑐᒃᓯᕋᐅᑎᓂᑦ ᓴᖑᓐᓂᐊᖅᑕᐅᖁᔨᓂᕐᒧᑦ ᐊᒥᓱᓂᒃ ᓄᑕᕋᒐᓴᖕᓂᒃ ᐱᔾᔪᔾᔨᓗᑎᒃ ᐊᒥᓱᓂᒃ ᐃᓚᒌᒃᑐᓂᒃ ᐅᕝᕙᓗᓐᓃᑦ ᐸᖅᑭᔨᐅᔪᓂᒃ ᑐᓂᓯᖃᑦᑕᕈᓐᓇᖅᑐᑦ ᐃᒪᓐᓇᐃᓕᐅᕐᓗᑎᒃ;
- ᓄᓇᓕᐅᒍᑎᒃ ᑎᒥᖁᑎᒋᔭᐅᒍᑎᒡᓗᓐᓃᑦ ᑐᓂᓯᓚᐅᖅᑐᑦ ᑐᒃᓯᕋᐅᑎᓂᒃ
ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ
ᐊᑏᑐᖅ ᐅᖃᕐᕕᒋᑎᒍᑦ ᖃᓄᑐᐃᓐᓇᖅ ᐊᐱᖁᑎᒃᓴᖃᕈᕕᑦ.
ᐅᕙᑦᑎᓐᓄᑦᑕᐅᖅ ᐅᖃᕈᓐᓇᕐᒥᔪᑎᑦ ᐊᑐᕐᓗᑎᒃ ᓇᕿᒃᑕᖅᐸᓪᓕᐊᑲᐅᑎᒋᔪᓐᓇᖅᑐᓂᒃ ᐅᖃᐅᓯᕆᕙᓪᓕᐊᔭᕐᓂᒃ ᐅᕘᓇ ᐅᖄᓚᐅᑎᒃᑯᑦ: 1-866-553-0554.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: